ਖੇਤੀਬਾੜੀ ਵਿਭਾਗ ਵੱਲੋ ਆਰਗੈਨਿਕ ਹਲਦੀ ਦੀ ਪੈਦਾਵਾਰ ਸਬੰਧੀ ਦਿੱਤੀ ਟਰੇਨਿੰਗ

क्षमा करें, यह समाचार आपके अनुरोध की भाषा में उपलब्ध नहीं है। कृपया यहाँ देखें।

ਅੰਮ੍ਰਿਤਸਰ 11 ਸਤੰਬਰ 2021 ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ ਵੱਲੋ ਮੁੱਖ ਖੇਤੀਬਾੜੀ ਅਫਸਰ ਡਾ. ਕੁਲਜੀਤ ਸਿੰਘ ਸੈਣੀ ਦੇ ਦਿਸ਼ਾ ਨਿਰਦੇਸ਼ ਅਤੇ ਖੇਤੀਬਾੜੀ ਅਫਸਰ ਡਾ. ਮਨਿੰਦਰ ਸਿੰਘ ਦੀ ਯੋਗ ਅਗਵਾਈ ਹੇਠ ਪਿੰਡ ਚੋਗਾਵਾ ਵਿਖੇ ਜੈਵਿਕ ਹਲਦੀ ਦੀ ਪੈਦਾਵਾਰ ਨੂੰ ਉਤਸ਼ਾਹਿਤ ਕਰਨ ਲਈੇ ਕਿਸਾਨ ਖੇਤ ਸਕੂਲ ਲਗਾਇਆ। ਇਹ ਸਕੂਲ ਕਿਸਾਨ ਮਾਸਟਰ ਕਰਮਜੀਤ ਸਿੰਘ (ਮਾਝਾ ਹਲਦੀ) ਦੇ ਖੇਤਾ ਨੇੜੇ ਲਗਾਇਆ ਅਤੇ ਆਏ ਕਿਸਾਨਾਂ ਨੂੰ ਮਾਹਿਰਾਂ ਵੱਲੋ ਆਰਗੈਨਿਕ ਹਲਦੀ ਦੀ ਪੈਦਾਵਾਰ ਲਈ ਟਰੇਨਿੰਗ ਦਿੱਤੀ। ਅੱਜ ਜਦੋ ਵਿਸ਼ਵ ਵਿਚ ਜੈਵਿਕ ਖੇਤੀ ਪ੍ਰਤੀ ਰੁਚੀ ਵਧ ਰਹੀ ਹੈ ਤਾ ਇਸ ਸਕੂਲ ਦਾ ਆਯੋਜਨ ਕਿਸਾਨਾਂ ਵੱਲੋ ਬਹੁਤ ਪਸੰਦ ਕੀਤਾ।
ਖੇਤੀਬਾੜੀ ਵਿਕਾਸ ਅਫਸਰ ਤਰਸਿੱਕਾ ਸਤਵਿੰਦਰਬੀਰ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਹਲਦੀ ਸਾਡੀ ਰਸੋਈ ਦੀ ਸਭ ਤੋ ਮਹੱਤਵਪੂਰਣ ਮਸਾਲਾ ਅਤੇ ਔਸ਼ਧੀ ਹੈ ਅਤੇ ਵਿਸ਼ਵ ਵਿਚ ਇਸਨੂੰ ਭਾਰਤੀ ਕੇਸਰ ਵੀ ਕਿਹਾ ਜਾਂਦਾ ਹੈ। ਉਹਨਾਂ ਨੇ ਕਿਸਾਨਾਂ ਨੂੰ ਜੈਵਿਕ ਹਲਦੀ ਦੀ ਕਾਸ਼ਤ ਦੌਰਾਨ ਖਾਦ ਆਦਿ ਤੱਤਾ ਦੀ ਪੂਰਤੀ ਕੁਦਰਤੀ ਤਰੀਕੇ ਨਾਲ ਕਰਨ ਲਈ ਜੈਵਿਕ ਖਾਦ ਬਣਾਉਣ ਦੇ ਢੰਗ ਤਰੀਕੇ ਕਿਸਾਨਾਂ ਨਾਲ ਸਾਂਝੇ ਕੀਤੇ। ਫਸਲਾਂ ਨੂੰ ਕੀੜਿਆ ਦੇ ਹਮਲੇ ਤੋ ਜੈਵਿਕ ਤਰੀਕੇ ਨਾਲ ਬਚਾਉਣ ਲਈ ਫੀਰੋਮਨਿ ਟਰੈਪ, ਸਟਿੱਕੀ ਟਰੈਪ, ਨਿੰਮ ਦੇ ਘੋਲ, ਪੀ. ਐਸ. ਬੀ ਬੈਕਟੀਰੀਆਂ ਆਦਿ ਦੀ ਵਰਤੋ ਬਾਰੇ ਬਹੁਤ ਸੁਚੱਜੇ ਢੰਗ ਨਾਲ ਜਾਣਕਾਰੀ ਕਿਸਾਨਾ ਨਾਲ ਸਾਂਝੀ ਕੀਤੀ ਅਤੇ ਅਪੀਲ ਕੀਤੀ ਕਿ ਕੈਮੀਕਲ ਸਪਰੇਆਂ ਦਾ ਖਹਿੜਾ ਛੱਡ ਕੇ ਜੈਵਿਕ ਢੰਗ ਤਰੀਕੇ ਅਪਣਾਏ ਜਾਣ।
ਏ.ਡੀ.ਓ ਹਰਉਪਿੰਦਰਜੀਤ ਸਿੰਘ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਜੈਵਿਕ ਖੇਤੀ ਦੀ ਸਭ ਤੋ ਮਹੱਤਵਪੂਰਣ ਕੜੀ ਗੰਡੋਆ ਖਾਦ ਨੂੰ ਬਣਾਉਣ ਅਤੇ ਇਸਦੇ ਜੈਵਿਕ ਖੇਤੀ ਵਿਚ ਮਹੱਤਤਾ ਬਾਰੇ ਦੱਸਿਆ। ਉਹਨਾਂ ਕਿਹਾ ਕਿ ਗੰਡੋਆ ਕਿਸਾਨ ਦਾ ਸਭ ਤੋ ਪੁਰਾਣਾ ਅਤੇ ਸੱਚਾ ਮਿੱਤਰ ਹੈ ਜੋ ਕਿ ਬਿਨਾ ਕਿਸੇ ਸਵਾਰਥ ਦੇ ਕਿਸਾਨ ਲਈ ਮਿੱਟੀ ਵਿਚ ਦਿਨ ਰਾਤ ਮਿਹਨਤ ਕਰਦਾ ਹੈ।
ਖੇਤੀਬਾੜੀ ਮਾਹਿਰ ਏ.ਡੀ ਓ ਰਛਪਾਲ ਸਿੰਘ ਨੇ ਕੁਦਰਤੀ ਖੇਤੀ ਦੀ ਜੀਵਨ ਵਿਚ ਮਹੱਤਤਾ ਅਤੇ ਪਾਣੀ ਦੇ ਡਿੱਗ ਰਹੇ ਪੱਧਰ ਬਾਰੇ ਗੰਭੀਰ ਚਿੰਤਾ ਪ੍ਰਗਟ ਕੀਤੀ ਅਤੇ ਬਾਬੇ ਨਾਨਕ ਦੀ ਖੇਤੀ ਨੁੰ ਅਪਣਾਉਣ ਦਾ ਹੋਕਾ ਦਿੱਤਾ । ਡੀ ਪੀ ਡੀ ਆਤਮਾ ਹਰਨੇਕ ਸਿੰਘ ਨੇ ਖੇਤੀਬਾੜੀ ਵਿਭਾਗ ਵੱਲੋ ਆਤਮਾ ਲਈ ਚਲਾਈਆ ਜਾਂਦੀਆਂ ਵੱਖ ਵੱਖ ਸਕੀਮਾਂ ਬਾਰੇ ਅਤੇ ਕਿਸਾਨਾਂ ਨੂੰ ਦਿੱਤੀਆ ਜਾਂਦੀਆ ਟਰੇਨਿੰਗਾ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ। ਕਿਸਾਨ ਕਰਮਜੀਤ ਸਿੰਘ ਅਤੇ ਯਾਦਵਿੰਦਰ ਸਿੰਘ ਨੇ ਖੇਤੀਬਾੜੀ ਵਿਭਾਗ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕੀਤੀ ਅਤੇ ਹਲਦੀ ਦੀ ਪੈਦਾਵਾਰ ਸੰਬੰਧੀ ਆਪਣੇ ਤਜ਼ਰਬੇ ਕਿਸਾਨਾਂ ਨਾਲ ਸਾਂਝੈ ਕੀਤੇ।
ਇਸ ਮੌਕੇ ਖੇਤੀਬਾੜੀ ਵਿਭਾਗ ਵੱਲੋ ਹਜ਼ੂਰ ਸਿੰਘ ਏ. ਈ ਓ ਨੇ ਆਏ ਹੋਏ ਕਿਸਾਨਾਂ ਦਾ ਆਉਣ ਲਈ ਵਿਭਾਗ ਵੱਲੋ ਧੰਨਵਾਦ ਕੀਤਾ ਅਤੇ ਕਿਸਾਨਾਂ ਨੂੰ ਘਰੇਲੂ ਬਗੀਚੀ ਲਈ ਸਬਜ਼ੀਆ ਦੇ ਬੀਜ਼ ਕਿੱਟਾ ਦੀ ਵੰਡ ਕੀਤੀ। ਇਸ ਮੌਕੇ ਖੇਤੀਬਾੜੀ ਵਿਭਾਗ ਵੱਲੋ ਯੁਵਰਾਜ਼ ਸਿੰਘ, ਕਸ਼ਮੀਰ ਸਿੰਘ, ਗੁਰਜੀਤ ਸਿੰਘ (ਸਾਰੇ ਏ ਐਸ ਆਈ),ਬਲਜਿੰਦਰ ਸਿੰਘ ਬੀ.ਟੀ ਐਮ, ਜਸਬੀਰ ਸਿੰਘ ਏ.ਟੀ ਐਮ ਆਦਿ ਹਾਜ਼ਰ ਸਨ ।
ਕੈਪਸ਼ਨ ਫੋਟੋ-ਕੈਂਪ ਦੌਰਾਨ ਕਿਸਾਨਾਂ ਨਾਲ ਏ.ਡੀ ਓ ਸਤਵਿੰਦਰਬੀਰ ਸਿੰਘ, ਹਰਉਪÇੰਦਰਜੀਤ ਸਿੰਘ, ਰਛਪਾਲ ਸਿੰਘ,ਹਜ਼ੁਰ ਸਿੰਘ ,ਹਰਨੇਕ ਸਿੰਘ ਅਤੇ ਹਾਜ਼ਰ ਕਿਸਾਨ ।