ਫੋਰਟਿਸ ਹਸਪਤਾਲ ਮੋਹਾਲੀ ’ਚ ਆਧੁਨਿਕ ਰੋਬੋਟਿਕ ਮਸ਼ੀਨ ਨਾਲ ਗਦੂਦਾਂ ਦੇ ਕੈਂਸਰ ਦਾ ਸਫਲ ਅਪਰੇਸ਼ਨ

ਦਾ ਵਿੰਚੀ ਸਰਜਰੀ ਨੇ ਕੈਂਸਰ ਦੇ ਮਰੀਜ਼ ਨੂੰ ਨਵਾਂ ਜੀਵਨ ਦਿੱਤਾ
ਸੰਗਰੂਰ, 27 ਅਗਸਤ 2021 ਫੋਰਟਿਸ ਹਸਪਤਾਲ ਮੋਹਾਲੀ ਦੀ ਯੂਰੋਲੋਜੀ ਟੀਮ ਨੇ ਇਕ 61 ਸਾਲਾ ਮਰੀਜ਼ ਦੇ ਗਦੂਦਾਂ ਦਾ ਸਫਲ ਅਪਰੇਸ਼ਨ ਕਰ ਕੇ ਉਸ ਨੂੰ ਨਵਾਂ ਜੀਵਨ ਦਿੱਤਾ ਹੈ। ਇਹ ਅਪਰੇਸ਼ਨ ਯੂਰੋਲੋਜੀ ਅਤੇ ਰੋਬੋਟਿਕ ਸਰਜਰੀ ਵਿਭਾਗ ਦੇ ਕੰਸਲਟੈਂਟ ਡਾ. ਮਨੀਸ਼ ਆਹੂਜਾ ਦੀ ਅਗਵਾਈ ਵਾਲੀ ਟੀਮ ਚੌਥੀ ਜੈਨਰੇਸ਼ਨ ਦੀ ਆਧੁਨਿਕ ਰੋਬੋਟਿਕ ਮਸ਼ੀਨ ਦਾ ਵਿੰਚੀ ਦੀ ਮਦਦ ਨਾਲ ਕੀਤਾ ਗਿਆ।
ਡਾ. ਮਨੀਸ਼ ਚੌਹਾਨ ਨੇ ਦੱਸਿਆ ਕਿ ਮਰੀਜ਼ ਨੇ ਉਸ ਨੂੰ ਲਗਾਤਾਰ ਪਿਸ਼ਾਬ ਆਉਂਦੇ ਰਹਿਣ ਅਤੇ ਲੱਕ (ਕਮਰ ਦੇ ਹੇਠਲੇ ਹਿੱਸੇ) ਵਿਚ ਦਰਦ ਦੀ ਸ਼ਿਕਾਇਤ ਕੀਤੀ ਸੀ। ਜਾਂਚ ਕਰਨ ਤੇ ਪਤਾ ਲੱਗਾ ਕਿ ਮਰੀਜ਼ ਗਦੂਦਾਂ ਦੇ ਕੈਂਸਰ ਤੋਂ ਪੀੜਤ ਹੈ। ਗਦੂਦਾਂ ਵਿਚ ਵਿਕਸਿਤ ਹੋਈ ਕੈਂਸਰ ਦੀ ਰਸੌਲੀ ਬਾਹਰ ਕੱਢਣ ਲਈ ਡਾਕਟਰਾਂ ਦੀ ਟੀਮ ਨੇ ਆਧੁਨਿਕ ਮਸ਼ੀਨ ਦੀ ਵਰਤੋਂ ਕਰ ਕੇ ਮਰੀਜ਼ ਰਾਜੇਸ਼ ਕੁਮਾਰ ਕੁੱਛਲ ਦਾ ਅਪਰੇਸ਼ਨ ਕੀਤਾ। ਉਨਾਂ ਦੱਸਿਆ ਕਿ ਮਰੀਜ਼ ਨੂੰ 5 ਦਿਨਾਂ ਮਗਰੋਂ ਹਸਪਤਾਲ ਵਿੱਚੋਂ ਛੁੱਟੀ ਦੇ ਦਿੱਤੀ ਗਈ।
ਡਾ. ਮਨੀਸ਼ ਆਹੂਜਾ ਨੇ ਦੱਸਿਆ ਕਿ ਉਪਰ ਦੇ ਲਿਹਾਜ ਨਾਲ ਹਾਰਮੋਨਜ ਦੀ ਤਬਦੀਲ ਕਾਰਨ ਮਰਦਾਂ ਦੇ ਗਦੂਦ ਵਧਣੇ ਸ਼ੁਰੂ ਹੋ ਜਾਂਦੇ ਹਨ। ਉਨਾਂ ਦੱਸਿਆ ਕਿ ਜੇਕਰ ਸਮੇਂ ਸਿਰ ਇਸ ਦਾ ਪ੍ਰੀਖਣ ਹੋ ਜਾਵੇ ਤਾਂ ਆਸਾਨੀ ਨਾਲ ਆਪਰੇਸ਼ਨ ਹੋ ਜਾਂਦਾ ਹੈ। ਡਾ. ਆਹੂਜਾ ਨੇ ਕਿਹਾ ਕਿ ਨਵੀਂ ਤਕਨੀਕ ਦੀ ਸਹਾਇਤਾ ਨਾਲ ਗੁੰਝਲਦਾਰ ਕੈਂਸਰ ਦਾ ਕਾਮਯਾਬੀ ਨਾਲ ਆਪਰੇਸ਼ਨ ਹੋ ਜਾਂਦਾ ਹੈ।
ਗਦੂਦਾਂ ਦੇ ਅਪਰੇਸ਼ਨ ਤੋਂ ਤੰਦਰੂਸਤ ਹੋਏ ਮਰੀਜ਼ ਰਾਜੇਸ਼ ਕੁਮਾਰ ਨੇ ਫੋਰਟਿਸ ਹਸਪਤਾਲ ਦੇ ਡਾਕਟਰਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਉਹ ਅਪਰੇਸ਼ਨ ਤੋਂ ਪਹਿਲਾਂ ਬਹੁਤ ਜ਼ਿਆਦਾ ਤਕਲੀਫ ਵਿਚ ਸੀ ਅਤੇ ਹੁਣ ਆਮ ਵਾਂਗ ਜੀਵਨ ਬਤੀਤ ਕਰ ਰਿਹਾ ਹੈ। ਉਨਾਂ ਕਿਹਾ ਕਿ ਉਸ ਨੂੰ ਅਪਰੇਸ਼ਨ ਕਰਾਉਣ ਸਮੇਂ ਕਿਸੇ ਮੁਸ਼ਕਲ ਦਾ ਸਾਹਮਣਾ ਨਹੀਂ ਕਰਨਾ ਪਿਆ। ਉਨਾਂ ਕਿਹਾ ਕਿ ਗਦੂਦਾਂ ਦਾ ਅਪਰੇਸ਼ਨ ਇਸ ਨਵੀਂ ਤਕਨੀਕ ਰੋਬੋਟਿਕ ਸਰਜਰੀ ਰਾਹੀਂ ਹੀ ਕਰਵਾਉਣਾ ਚਾਹੀਦਾ ਹੈ।