ਵਿਧਾਨ ਸਭਾ ਚੋਣਾਂ -2022 ਰੂਪਨਗਰ ਦੇ ਆਬਜ਼ਰਵਰਾਂ ਨੇ ਸਵੇਰੇ 10 ਵਜੇ ਤੋਂ 11 ਵਜੇ ਤੱਕ ਦਾ ਸਮਾਂ ਪਬਲਿਕ ਡੀਲਿੰਗ ਲਈ ਨਿਰਧਾਰਿਤ ਕੀਤਾ

ਜ਼ਿਲ੍ਹਾ ਚੋਣ ਅਫਸਰ ਸ੍ਰੀਮਤੀ ਸੋਨਾਲੀ ਗਿਰਿ ਨੇ ਦੱਸਿਆ ਕਿ ਵਿਧਾਨ ਸਭਾ ਚੋਣਾ -2022 ਰੂਪਨਗਰ ਦੇ ਪ੍ਰਬੰਧਾਂ ਦੀ ਸਮੀਖਿਆ ਕਰਨ ਦੇ ਲਈ ਭਾਰਤ ਚੋਣ ਕਮਿਸ਼ਨ ਵਲੋਂ ਨਿਯੁਕਤ ਕੀਤੇ ਗਏ ਆਬਜ਼ਰਵਰਾਂ ਨੇ ਚੋਣਾਂ ਸਬੰਧੀ ਕਿਸੇ ਵੀ ਮਾਮਲੇ ਦੇ ਲਈ ਪਬਲਿਕ ਡੀਲਿੰਗ ਲਈ ਸਵੇਰੇ 10 ਵਜੇ ਤੋਂ 11 ਵਜੇ ਤੱਕ ਨਿਰਧਾਰਿਤ ਕੀਤਾ ਗਿਆ ਹੈ ।

ਹੋਰ ਪੜ੍ਹੋ :-ਚਾਈਨੀਜ਼ ਡੋਰ ਵੇਚਣ, ਸਟੋਰ ਕਰਨ ਅਤੇ ਵਰਤੋਂ ਕਰਨ ’ਤੇ ਪਾਬੰਦੀ

ਜ਼ਿਲ੍ਹਾ ਚੋਣ ਅਫਸਰ ਨੇ ਦੱਸਿਆ ਸ਼੍ਰੀ.ਪੰਧਾਰੀ ਯਾਦਵ, ਆਈ.ਏ.ਐਸ. (ਜਨਰਲ ਆਬਜ਼ਰਵਰ) ਦਾ ਮੋਬਾਇਲ ਨੰ. 88476-97969 ਅਤੇ ਸ਼੍ਰੀ ਨਰਿੰਦਰ ਕੁਮਾਰ ਨਾਇਕ ,ਆਈ.ਪੀ.ਐਸ. (ਐਕਸਪੈਂਡੀਚਰ ਆਬਜ਼ਰਵਰ) ਮੋਬਾਇਲ ਨੰ. 70092-71924 ਦਾ ਦਫਤਰ ਨਹਿਰੀ ਵਿਸ਼ਰਾਮ ਘਰ (ਸਾਹਮਣੇ ਡਿਪਟੀ ਕਮਿਸ਼ਨਰ ਦਫ਼ਤਰ) ਰੂਪਨਗਰ ਵਿਖੇ ਬਣਾਇਆ ਗਿਆ ਹੈ । ਸ਼੍ਰੀ ਧਰਮਿੰਦਰ ਸਿੰਘ, ਆਈ.ਪੀ.ਐਸ.(ਪੁਲਿਸ ਆਬਜ਼ਰਵਰ) ਮੋਬਾਇਲ ਨੰ. 88476-39004 ਦਾ ਦਫਤਰ ਪੀ.ਡਬਿਲਊ.ਡੀ . ਵਿਸ਼ਰਾਮ ਘਰ ( ਮਹਾਰਾਜਾ ਰਣਜੀਤ ਸਿੰਘ ਪਾਰਕ ਦੇ ਨਜ਼ਦੀਕ) ਵਿਖੇ ਬਣਾਇਆ ਗਿਆ ਹੈ ।

ਸ਼੍ਰੀਮਤੀ ਸੋਨਾਲੀ ਗਿਰ ਨੇ ਦੱਸਿਆ ਕਿ ਆਬਜ਼ਰਵਰਾਂ ਵਲੋਂ ਰੂਪਨਗਰ ਦੇ ਤਿੰਨ ਹਲਕਿਆਂ 050 ਰੂਪਨਗਰ, 051 ਸ਼੍ਰੀ ਚਮਕੌਰ ਸਾਹਿਬ, 049 – ਸ੍ਰੀ ਅਨੰਦਪੁਰ ਸਾਹਿਬ, ਵਿਖੇ ਵਿਧਾਨ ਸਭਾ ਚੋਣਾਂ 2022 ਦੇ ਪ੍ਰਬੰਧਾਂ, ਰੋਕਥਾਮ ਲਈ ਕੀਤੇ ਪ੍ਰਬੰਧ, ਪੋਲਿੰਗ ਕਰਮਚਾਰੀਆਂ ਦੀ ਰੈਂਡਮਾਈਜ਼ੇਸ਼ਨ, ਚੋਣ ਸਮੱਗਰੀ ਦੀ ਖਰੀਦ ਅਤੇ ਫਾਰਮਾਂ ਦੀ ਛਪਾਈ ਆਦਿ ਦੇ ਪ੍ਰਬੰਧਾਂ, ਪੁਲਿਸ ਕਰਮਚਾਰੀਆਂ ਦੀ ਸਿਖਲਾਈ, ਡਿਸਪੈਚ ਪ੍ਰਬੰਧਾਂ, ਸਟਰਾਂਗ ਰੂਮ ਸਥਾਨਾਂ ਅਤੇ ਸੁਰੱਖਿਆ ਪ੍ਰਬੰਧ , ਗਿਣਤੀ ਦੇ ਪ੍ਰਬੰਧਾਂ ਦੀ ਸਮੀਖਿਆ ਕੀਤੀ ਜਾ ਰਹੀ ਹੈ ।