हिंदी
Sorry, this news is not available in your requested language. Please see here.
ਕੋਰੋਨਾ ਮਹਾਂਮਾਰੀ ਦੇ ਚੱਲਿਦਿਆ ਜਿਲੇ ਵਿਚ ਸਿਹਤ ਸੁਵਿਧਾਵਾਂ ਵਧਾਉਣ ਲਈ ਸਿਹਤ ਸੈਕਟਰ ਨਾਲ ਸਬੰਧਿਤ ਕੋਰਸਾਂ ਵਿਚ ਨੋਜਵਾਨਾ ਲਈ ਮੁਫਤ ਸਕਿੱਲ ਟਰੇਨਿੰਗ ਸੁਰੂ ਕੀਤੀ ਜਾਵੇਗੀ – ਵਧੀਕ ਡਿਪਟੀ ਕਮਿਸ਼ਨਰ ਰਾਹੁਲ
ਗੁਰਦਾਸਪੁਰ, 25 ਮਈ,2021 ਸ੍ਰੀ ਰਾਹੁਲ ਵਧੀਕ ਡਿਪਟੀ ਕਮਿਸ਼ਨਰ (ਜ)-ਕਮ-ਨੋਡਲ ਅਫਸਰ ਪੰਜਾਬ ਸਕਿੱਲ ਡਿਵੈਲਪਮੈਟ ਮਿਸ਼ਨ ਨੇ ਜਾਣਕਾਰੀ ਦੇਦਿਆ ਦੱਸਿਆ ਕਿ ਕੋਰੋਨਾ ਮਹਾਮਾਰੀ ਦੇ ਚੱਲਦਿਆ ਜਿਲੇ ਦੇ ਹਸਪਤਾਲਾਂ ਅਤੇ ਸਿਹਤ ਸੰਸਥਾਵਾਂ ਵਿਚ ਸਿਹਤ ਸੁਵਿਧਾਵਾਂ ਵਿਚ ਵਾਧਾ ਕਰਨ ਲਈ ਸਰਕਾਰ ਦੁਆਰਾ ਨੋਜਵਾਨਾ ਲਈ ਸਿਹਤ ਸੈਕਟਰ ਨਾਲ ਸਬੰਧਿਤ 6 ਕੋਰਸਾਂ ਵਿਚ ਸਕਿੱਲ ਟਰੇਨਿੰਗ ਸੁਰੂ ਕੀਤੀ ਜਾ ਰਹੀ ਹੈ । ਇਹ ਕੋਰਸ ਪਰਧਾਨ ਮੰਤਰੀ ਕੋਸ਼ਲ ਵਿਕਾਸ ਯੋਜਨਾ-3-0 ਤਹਿਤ ਚਲਾਏ ਜਾਣਗੇ । ਇਹਨਾ ਕੋਰਸਾਂ ਦਾ ਸਮਾਂ ਨਵੇ ਉਮੀਦਵਾਰਾਂ ਲਈ 21 ਦਿਨਾ ਦਾ ਹੋਵੇਗਾ ਅਤੇ ਉਮੀਦਵਾਰਾਂ ਦੀ ਟਰੇਨਿੰਗ ਪੂਰੀ ਹੋਣ ਉਪਰੰਤ ਉਹਨਾ ਨੂੰ ਸਿਹਤ ਸੰਸਥਾਵਾਂ ਵਿਚ ਕੰਮ ਤੇ ਲਗਾਇਆ ਜਾਵੇਗਾ ।
ਉਨਾ ਨੇ ਦੱਸਿਆ ਕਿ ਸਿਹਤ ਸੈਕਟਰ ਵਿਚ ਪਹਿਲਾਂ ਤੋ ਹੀ ਕੰਮ ਕਰ ਰਹੇ ਉਮੀਦਵਾਰਾਂ, ਜਿੰਨਾ ਕੋਲ ਕੋਈ ਸਰਟੀਫਿਕੇਟ ਨਹੀ ਹੈ ਨੂੰ ਵੀ (Reorganization of Prior Learning) ਤਹਿਤ 7 ਦਿਨਾ ਦੀ ਟਰੇਨਿੰਗ ਦੇ ਕੇ ਸਰਟੀਫਾਈ ਕੀਤਾ ਜਾਵੇਗਾ ਤਾ ਜੋ ਉਹਨਾ ਦੀ ਆਪਣੀ ਇੱਕ ਵਿਸੇਸ਼ ਕਿੱਤਾ ਮੁਖੀ ਵਜੋ ਪਹਿਚਾਣ ਬਣ ਸਕੇ ਅਤੇ ਉਹ ਆਪਣੀਆਂ ਸੇਵਾਵਾਂ ਹੋਰ ਵਧੀਆ ਤਾਰੀਕੇ ਨਾਲ ਨਿਭਾ ਸਕਣ । ਉਨਾ ਨੇ ਕਿਹਾ ਕਿ ਜਿਲੇ ਦੇ ਨੋਜਵਾਨਾ ਨੂੰ ਇਸ ਸਕੀਮ ਦਾ ਨਾਭ ਲੈਣ ਲਈ ਅੱਗੇ ਆਉਣਾ ਚਾਹੀਦਾ ਹੈ । ਇਸ ਦੇ ਨਾਲ ਜਿਥੇ ਉਮੀਦਵਾਰਾਂ ਨੂੰ ਰੋਜਗਾਰ ਪ੍ਰਾਪਤ ਹੋਵੇਗਾ ਉਸਦੇ ਨਾਲ ਨਾਲ ਇਸ ਮਹਾਂਮਾਰੀ ਦੋਰਾਨ ਸਮਾਜ ਸੇਵਾ ਕਰਨ ਦਾ ਮੌਕਾ ਵੀ ਪ੍ਰਾਪਤ ਹੋਵੇਗਾ ।
ਇਸ ਮੌਕੇ ਤੇ ਬਲਾਕ ਮਿਸ਼ਨ ਮੈਨੇਜਰ , ਪੀਐਸਡੀਐਮ ਗੁਰਦਾਸਪੁਰ ਵਿਜੈ ਸਿੰਘ ਨੇ ਦੱਸਿਆ ਕਿ ਇਹਨਾ ਕੋਰਸਾ ਦੇ ਨਾਮ Emergency Medical Technician- Basic, General Duty Assistant, GDA-Advanced (Critcal Care), Home health Aide, Medical Equipment Technology Assistant, Phlebotomist ਹਨ ਜੋ ਕਿ ਸਰਕਾਰ ਵਲੋ ਬਿਲਕੁਲ ਮੁਫੱਤ ਵਿਚ ਕਰਵਾਏ ਜਾਣਗੇ । ਟਰੇਨਿੰਗ ਦੋਰਾਨ ਪੜਣ ਲਈ ਕਿਤਾਬਾਂ ਆਦਿ ਵੀ ਮੁਹੱਈਆ ਕਰਵਾਈਆ ਜਾਣਗੀਆ ।
ਜਿਹੜੇ ਉਮੀਦਵਾਰ ਇਹ ਕੋਰਸ ਕਰਕੇ ਰੁਜਗਾਰ ਪ੍ਰਾਪਤ ਕਰਨਾ ਚਾਹੁੰਦੇ ਹਨ ਉਹ ਹੋਰ ਜਾਣਕਾਰੀ ਲਈ ਦਫਤਰ ਏ ਡੀ ਸੀ( ਜ) ਕਮ – ਨੋਡਲ ਅਫਸਰ , ਪੀਐਸਡੀਐਮ ਗੁਰਦਾਸਪੁਰ ਦੇ ਹੇਠ ਦਿੱਤੇ ਅਨੁਸਾਰ ਕਰਮਚਾਰੀਆਂ ਦੇ ਫੋਨ ਨੰਬਰਾਂ ਉਪਰ ਸੰਪਰਕ ਕਰ ਸਕਦੇ ਹਨ । ਵਿਜੈ ਸਿੰਘ 85679-16929, ਸਵਰਾਜ ਸਿੰਘ 98883-94664, ਮਨਪਰੀਤ ਸਿੰਘ 81467-20111.
