हिंदी
Sorry, this news is not available in your requested language. Please see here.
ਚੋਣ ਪ੍ਰਕਿਰਿਆ ਦੌਰਾਨ ਇਲੈਕਟ੍ਰਾਨਿਕ ਮਸ਼ੀਨ ਦੀ ਵਰਤੋਂ, ਵੀ.ਵੀ.ਪੈਟ ਦੀ ਵਰਕਿੰਗ, ਪ੍ਰਜਾਈਡਿੰਗ ਅਫ਼ਸਰ ਤੇ ਏ.ਪੀ.ਆਰ.ਓ ਦੀ ਡਿਊਟੀ ਸਬੰਧੀ ਦਿੱਤੀ ਗਈ ਵਿਸਥਾਰ ਨਾਲ ਜਾਣਕਾਰੀ
ਫਿਰੋਜ਼ਪੁਰ 7 ਫ਼ਰਵਰੀ 2022
ਅਬਜ਼ਰਵਰਾਂ ਦੀ ਦੇਖ ਰੇਖ ਹੇਠ ਵਿਧਾਨ ਸਭਾ ਚੋਣਾਂ ਸਬੰਧੀ ਜ਼ਿਲ੍ਹੇ ਦੇ ਚਾਰੇ ਵਿਧਾਨ ਸਭਾ ਹਲਕਿਆਂ ਵਿਖੇ ਸਮੁੱਚੇ ਚੋਣ ਅਮਲੇ ਨੂੰ ਕਰਵਾਈ ਗਈ ਦੂਜੀ ਰਿਹਰਸਲ ਸਫਲਤਾਪੂਰਵਕ ਸੰਪੰਨ ਹੋਈ। ਸ਼ਹੀਦ ਭਗਤ ਸਿੰਘ ਸਟੇਟ ਟੈਕਨੀਕਲ ਯੂਨੀਵਰਸਿਟੀ ਹਲਕਾ 077 ਫਿਰੋਜ਼ਪੁਰ ਦਿਹਾਤੀ ਵਿਖੇ ਅਬਜ਼ਰਵਰ ਅਕਾਂਕਸ਼ਾ ਭਾਸਕਰ ਅਤੇ ਵਧੀਕ ਜ਼ਿਲ੍ਹਾ ਚੋਣ ਅਫ਼ਸਰ-ਕਮ-ਵਧੀਕ ਡਿਪਟੀ ਕਮਿਸ਼ਨਰ ਫਿਰੋਜ਼ਪੁਰ ਸ੍ਰੀ. ਅਮਿਤ ਮਹਾਜਨ ਨੇ ਜਾ ਕੇ ਰਿਹਰਸਲ ਕਰਵਾਉਣ ਸਬੰਧੀ ਮੌਕੇ ਤੇ ਸਬੰਧਿਤ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਅਤੇ ਚੋਣ ਅਮਲੇ ਨੂੰ ਇਲੈਕਟ੍ਰਾਨਿਕ ਮਸ਼ੀਨ ਦੀ ਵਰਤੋਂ, ਵੀ.ਵੀ.ਪੈਟ ਦੀ ਵਰਕਿੰਗ, ਪ੍ਰਜਾਈਡਿੰਗ ਅਫ਼ਸਰ ਦੀ ਡਿਊਟੀ, ਏ.ਪੀ.ਆਰ.ਓ ਦੀ ਡਿਊਟੀ ਸਬੰਧੀ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ।
ਹੋਰ ਪੜ੍ਹੋ:-ਜ਼ਿਲ੍ਹੇ ਅੰਦਰ 22 ਲੱਖ 25 ਹਜ਼ਾਰ 637 ਦੇ ਲੋਕਾਂ ਦੇ ਲੱਗ ਚੁੱਕੀ ਹੈ ਵੈਕਸ਼ੀਨ
ਮਨੋਹਰ ਲਾਲ ਸੀਨੀਅਰ ਸੈਕੰਡਰੀ ਸਕੂਲ ਫਿਰੋਜ਼ਪੁਰ ਛਾਉਣੀ ਹਲਕਾ 076 ਫਿਰੋਜ਼ਪੁਰ ਸ਼ਹਿਰੀ ਵਿਖੇ ਅਬਜਰਵਰ ਦੀਪਾਂਕਰ ਸਿਨਹਾ ਅਤੇ ਐੱਸ ਡੀ ਐੱਮ-ਕਮ-ਆਰ.ਓ ਓਮ ਪ੍ਰਕਾਸ਼ ਦੀ ਰਹਿਨੁਮਾਈ ਹੇਠ ਚੋਣ ਅਮਲੇ ਨੂੰ ਚੋਣ ਰਿਹਰਸਲ ਕਰਵਾਈ ਗਈ। ਇਸ ਦੌਰਾਨ ਉਨ੍ਹਾਂ ਵੱਲੋਂ ਸ਼ੇਰਾ ਮਾਸਕਟ ਵੀ ਲਾਂਚ ਕੀਤਾ ਗਿਆ ਜੋ ਕਿ ਇਹ ਸੰਦੇਸ਼ ਦੇ ਰਿਹਾ ਸੀ ਕਿ 20 ਫਰਵਰੀ ਨੂੰ ਵੋਟ ਪਾਉਣ ਲਈ ਤਿਆਰ ਹੋ ਜਾਓ। ਉਨ੍ਹਾਂ ਚੋਣ ਅਮਲੇ ਨੂੰ ਫ਼ਾਰਮ ਨੰਬਰ-12 ਭਰਨ, ਪੋਸਟਲ ਬੈਲਟ ਪੇਪਰ ਦੀ ਵਰਤੋਂ ਕਰਨ ਬਾਰੇ ਵੀ ਜਾਣਕਾਰੀ ਦਿੱਤੀ।
ਇਸੇ ਤਰ੍ਹਾਂ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਲੜਕੇ ਗੁਰੂਹਰਸਹਾਏ ਹਲਕਾ 078 ਵਿਖੇ ਸਬੰਧਿਤ ਅਬਜਰਵਰ ਅਤੇ ਐੱਸਡੀਐੱਮ ਕਮ -ਆਰ.ਓਜ਼. ਬਬਨਦੀਪ ਸਿੰਘ ਵਾਲੀਆ ਦੀ ਰਹਿਨੁਮਾਈ ਹੇਠ ਅਤੇ ਜੀਵਨ ਮੱਲ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਜ਼ੀਰਾ ਹਲਕਾ 075 ਵਿਖੇ ਸਬੰਧਿਤ ਅਬਜਰਵਰ ਅਤੇ ਐਸਡੀਐਮ ਕਮ-ਆਰ ਓ ਸੂਬਾ ਸਿੰਘ ਨੇ ਦੂਜੀ ਚੋਣ ਰਿਹਰਸਲ ਕਰਵਾਈ। ਇਨ੍ਹਾਂ ਰਿਹਰਸਲਾਂ ਦੌਰਾਨ ਸਬੰਧਿਤ ਅਬਜਰਵਰਾਂ ਅਤੇ ਆਰ.ਓਜ਼. ਵੱਲੋਂ ਚੋਣ ਪ੍ਰਕਿਰਿਆ ਦੌਰਾਨ ਇਲੈਕਟ੍ਰਾਨਿਕ ਮਸ਼ੀਨ ਦੀ ਵਰਤੋਂ, ਵੀ.ਵੀ.ਪੈਟ ਦੀ ਵਰਕਿੰਗ, ਪ੍ਰਜਾਈਡਿੰਗ ਅਫ਼ਸਰ ਦੀ ਡਿਊਟੀ, ਏ.ਪੀ.ਆਰ.ਓ ਦੀ ਡਿਊਟੀ ਆਦਿ ਸਬੰਧੀ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ ਗਈ ਅਤੇ ਚੋਣ ਅਮਲੇ ਤੋਂ ਫ਼ਾਰਮ ਨੰਬਰ-12 ਭਰਵਾਇਆ ਗਿਆ ਤਾਂ ਜੋ ਚੋਣ ਅਮਲਾ ਪੋਸਟਲ ਬੈਲਟ ਪੇਪਰ ਦੀ ਵਰਤੋਂ ਕਰਕੇ ਆਪਣੇ ਵੋਟ ਦੇ ਹੱਕ ਦਾ ਇਸਤੇਮਾਲ ਕਰ ਸਕਣ। ਇਨ੍ਹਾਂ ਰਿਹਰਸਲਾਂ ਦੌਰਾਨ ਹਾਜ਼ਰ ਚੋਣ ਅਮਲੇ ਨੂੰ ਕੋਵਿਡ ਦੀ ਬੂਸਟਰ ਡੋਜ਼ ਵੀ ਲਗਾਈ ਗਈ ਅਤੇ ਚੋਣ ਅਮਲੇ ਨੂੰ ਇਹ ਵੀ ਹਦਾਇਤ ਕੀਤੀ ਕਿ ਵਿਧਾਨ ਸਭਾ ਚੋਣਾਂ ਦੌਰਾਨ ਕੋਵਿਡ ਦੀ ਜਾਰੀ ਗਾਈਡਲਾਈਨਜ਼ ਦਾ ਪੂਰਾ ਧਿਆਨ ਰੱਖਿਆ ਜਾਵੇ। ਇਸ ਮੌਕੇ ਇਲੈਕਸ਼ਨ ਸੈੱਲ ਤੋਂ ਪਿੱਪਲ ਸਿੰਘ, ਸੋਨੂੰ ਕਸ਼ਅਪ ਅਤੇ ਚੇਤਾ ਰਾਣਾ ਵੀ ਹਾਜ਼ਰ ਸਨ।
