ਸਮਾਰਟ ਵਿਲੇਜ਼ ਕੈਂਪੇਨ ਤਹਿਤ ਪਿੰਡਾਂ ਵਿੱਚ ਕਰਵਾਏ ਜਾ ਰਹੇ ਹਨ ਵਿਕਾਸ ਕਾਰਜ

ਪੰਜਾਬ ਦੇ ਪਿੰਡਾਂ ਦੀ ਨਕਸ਼ ਨੁਹਾਰ ਸੁਧਾਰਨ ਲਈ ਪੇਂਡੂ ਵਿਕਾਸ ਤੇ ਪੰਚਾਇਤ ਵਿਭਾਗ ਵਲੋਂ ਕਈ ਯੋਜਨਾਵਾਂ ਤੇ ਅਮਲ ਕੀਤਾ ਜਾ ਰਿਹਾ ਹੈ। ਸਮਾਰਟ ਵਿਲੇਜ਼ ਕੈਂਪੇਨ ਤਹਿਤ ਰਾਜ ਦੇ ਸਾਰੇ ਪਿੰਡਾਂ ਵਿੱਚ ਵਿਕਾਸ ਕਾਰਜ ਕਰਾਉਣ ਅਤੇ ਪਿੰਡਾਂ ਵਿੱਚ ਬੁਨਿਆਂਦੀ ਢਾਂਚੇ ਦੀ ਉਸਾਰੀ ਲਈ ਮਨਰੇਗਾ ਸਕੀਮ ਤਹਿਤ ਵੱਖ ਵੱਖ ਕੰਮ ਕਰਵਾਏ ਜਾ ਰਹੇ ਹਨ।

ਹੋਰ ਪੜ੍ਹੋ :-ਪਲਾਸਟਿਕ ਬੈਗ ‘ਤੇ ਰੋਕ ਲਗਾਉਣਾ ਵਾਤਾਵਰਣ ਦੇ ਬਚਾਅ ਲਈ ਜਰੂਰੀ-ਡਾ. ਰਾਜਿੰਦਰ ਅਰੋੜਾ

ਜ਼ਿਲ੍ਹਾ ਮੁਹਾਲ ਵਿੱਚ ਕਰਵਾਏ ਜਾ ਰਹੇ ਮਨਰੇਗਾ ਤਹਿਤ ਵਿਕਾਸ ਕਾਰਜ਼ਾਂ ਦਾ ਨਿਰੀਖਣ ਅੱਜ ਅਵਤਾਰ ਸਿੰਘ ਭੁੱਲਰ ਜੁਆਇੰਟ ਡਾਇਰੈਕਟ ਪੇਂਡੂ ਵਿਕਾਸ ਵਲੋਂ ਕੀਤਾ ਗਿਆ। ਪਿੰਡਾਂ ਦੀਆਂ ਸੜਕਾਂ ਦੇ ਬਰਮਾਂ ਦੀ ਮਨੈਜਮੇਂਟ ਦੇ ਕੰਮਾਂ ਦਾ ਜ਼ਾਇਜਾ ਲੈਣ ਸਮੇਂ ਉਨ੍ਹਾਂ ਨਾਲ ਸ੍ਰੀ ਹਿਤੇਨ ਕਪਿਲਾ ਬੀ.ਡੀ.ਪੀ.ਓ. ਮੋਹਾਲੀ, ਦਿਨੇਸ਼ ਕੁਮਾਰ ਟੈਕਨੀਕਲ ਅਸਿਸਟੈਂਟ , ਮਨਿਜਿੰਦਰ ਕੌਰ ਏ.ਪੀ.ਓ. ਮਨਰੇਗਾ ਅਤੇ ਅਮਰਿੰਦਰ ਸਿੰਘ ਜੀ.ਆਰ.ਐਸ. ਸ਼ਾਮਲ ਸਨ। ਪਿੰਡ ਬੈਰੋਂਪੁਰ , ਭਾਗੋਮਾਜਰਾ ਅਤੇ ਮੌਜਪੁਰ ਵਿੱਚ ਚਲ ਰਹੇ ਵਿਕਾਸ ਕਾਰਜਾਂ ਤੇ ਸ. ਭੁੱਲਰ ਵੱਲੋਂ ਤਸੱਲੀ ਦਾ ਪ੍ਰਗਟਾਵਾ ਕੀਤਾ ਗਿਆ। ਉਨ੍ਹਾਂ ਵੱਲੋਂ ਸਮਾਰਟ ਵਿਲੇਜ਼ ਕੈਂਪੇਨ ਤਹਿਤ ਕਰਵਾਏ ਜਾ ਰਹੇ ਕੰਮਾਂ ਵਿੱਚ ਗੁਣਵੱਤਾ ਦਾ ਵਿਸ਼ੇਸ ਧਿਆਨ ਰੱਖਣ ਦੀ ਹਦਾਇਤ ਵੀ ਕੀਤੀ ਗਈ।